"Ювентус" жамоасининг ҳужумчиси Криштиану Роналду Париждаги "Олтин тўп" маросимида қатнашмасликка қарор қилди.
Футболчи унинг ўрнига Миланда бўлиб ўтадиган Италия чемпионатининг энг яхшиларини тақдирлаш маросимида қатнашади.
Sport Mediaset нашри хабарига кўра, португалиялик футболчи катта эҳтимол билан "Олтин тўп"ни Месси қўлга киритиши туфайли Париждаги гала оқшомга бормасликка қарор қилган.
Роналдо бу оқшом Миланда 2018/19 мавсумда А Сериянинг энг яхши ўйинчиси мукофотини қабул қилиб олади.
34-ёшли Криштиану Роналду ушбу мавсум "Ювентус" сафида 16 та ўйин ўтказиб 7 та гол урди ва 2 та голга ассистентлик қилди.
