Аргентиналик футболчи ўзининг 6-«олтин тўп» совринини қўлга киритганидан хабарингиз бор. Кеча бўлиб ўтган тақдирлаш маросимидан сўнг, қаҳрамонимиз «Мундо Депортиво» канали учун кичик интервью бериб ўтди.
Тақдирлаш маросимидан аввал, турли миш-мишлар пайдо бўлди. Сўровномада ғалаба қозонишингга шубҳа қилмаган бўлсанг керак?
Очиғи, бугун сўровномада ғалаба қозонаман деб ўйламаган эдим. Бу мен учун ёқимли янгилик бўлди. Саҳнада айтганимдек, мен авваллари битта «олтин тўп»ни ҳам орзу қилишга қўрқадиган болакай эдим. Олтитаси ҳақида гапирмаса ҳам бўлади. Мен фаолиятимдаги олтинчи энг нуфузли совринларимдан бирини қўлга киритганимдан бахтиёрман. Бу ҳали ҳеч ким забт этмаган чўққи! Бу натижага эришганим билан фахрланаман.
Нима деб ўйлайсан, олтита «олтин тўп»ни қўлига киритиб сенинг рекордингни йўққа чиқаришнинг иложи борми?
Бу ишни ким қилишини билмайман, лекин бу натижамданда яхшироқ натижа қайд этган футболчи пайдо бўлишига аминман. Рекордлар йўққа чиқариш учун ўрнатилади. Нима бўлганда ҳам бу натижа янгиланади, бироқ қачон бўлиши номалум.
Сенингча Киллиан Мбаппе ушбу рекордни йўққа чиқариши мумкинми?
Албатта, лекин қайтараман бу натижани ким такрорлашини билмайман. Ҳозирча бу кўрсатгич менга тегишли ва мен бундан жуда мамнунман.