Мадриднинг «Реал» клуби Испания чемпионатининг 16-тури доирасида ўз уйида «Эспаньол»ни қабул қилиб, ишончли ғалабани қўлга киритди.

"Қироллик клуби" учрашув давомида ўз яратган бир неча хавфли вазиятларнинг иккитасидан самарали фойдаланди. Дастлаб Бенземанинг узатмасидан кейин Варан дарвозани ишғол қилган бўлса, ўйин тугашига 11 дақиқа қолганида Каримнинг ўзи жамоасининг иккинчи голига муаллифлик қилди.

Испания Ла лигаси, 16-тур
Реал Мадрид – Эспаньол 2:0 (1:0, 1:0)
Голлар: 1:0 – 37 Варан, 2:0 – 79 Бензема.
Реал Мадрид – Куртуа, Карвахаль, Рамос, Варан, Менди, Каземиро, Кроос (Модрич, 71), Винисиус Жуниор (Милитао, 85), Вальверде, Родриго (Браим Диас, 85), Бензема.
Эспаньол – Диего Лопес, Дидак Вила, Калеро, Давид Лопес, Виктор Гомес, Дардер, Гранеро (Лосано, 73), У Лэй (Кампусано, 65), Рока, Эспиноса, Кальери (Мелендо, 83).
Огоҳлантиришлар: Гранеро (15), Винисиус Жуниор (17), Калеро (61), Менди (63), Вальверде (74), Дардер (90).
Четлатиш: Менди (83).