Каталониянинг «Барселона» клуби президенти Хосеп Мария Бартомеу Ла Лиганинг 10-тур доирасида “Реал” клубига қарши бўладиган учрашув сиёсий вазиятлар нотинчлиги сабабли, учрашув 26 октябрдан 18 декабрь кунига кўчирилгани ҳақида айтиб ўтди.
— Келаётган чоршанба кунини барча интизорлик билан кутмоқда. Айтишимиз мумкинки, 18 декабрь куни «Эл класикко» албатта бўлади, энди қолдирилмайди. Бу учрашувда ҳар биримиз жавобгармиз. Бизнинг стадион — сўз эркинлигининг макони. Доим шундай бўлган, шу боис ҳаммани тинчланишга чақирамиз. Стадионга оилангиз билан ташриф буюринг, барчаси жойида бўлади. Ўйин тинчлик ва хотиржамликни ўрнатади, - Бартомеунинг сўзларидан иқтибос келтирмоқда AS нашри.