УЕФА Европа чемпионлар лигаси гуруҳ босқичи якунлари бўйича рамзий терма жамоани эълон қилди. Бу ҳақда УЕФА матбуот хизмати хабар тарқатди.

Ушбу жамоадан "ПСЖ"нинг 3 нафар футболчиси ўрин олган бўлса, плей-оффга чиқа олмаган "Аякс"нинг икки футболчиси рамзий жамоага киритилди.

Лионель Месси ва Криштиану Роналду рамзий терма жамоага киритилмади.

ЕЧЛ. Гуруҳ босқичи рамзий терма жамоаси қуйидагича:

Дарвозабон: Кейлор Навас ("ПСЖ")

Ҳимоячилар: Хуан Бернат ("ПСЖ"), Николас Тальяфико ("Аякс"), Ашраф Ҳакимий ("Боруссия" Дортмунд)

Ярим ҳимоячилар: Раҳим Стерлинг ("Манчестер Сити"), Сон Хеунг Мин ("Тоттенхэм"), Ҳаким Зиёш ("Аякс"), Муҳаммад Салоҳ ("Ливерпуль")

Ҳужумчилар: Эрлинг Холанн ("Ред Булл Зальцбург"), Роберт Левандовски ("Бавария"), Килиан Мбаппе ("ПСЖ").