Мадриднинг «Атлетико» клуби бош мураббийи Диего Симеоне «Осасуна» (2:0) клуби устидан қозонилган ғалаба ҳақидаги фикрлари билан ўртоқлашди.
— Биз кейинги ўйинларни ҳам шу руҳда давом эттиришимиз керак. Жамоа ҳар бир учрашувда ғалаба учун яхши курашди, аммо бу доим ҳам фойда беравермади. Масалан, Туринда «Ювентус» билан яхши ўйнадик, аммо, мағлубиятга учрадик. Асосийси мақсадимизга эришдик ва ЕЧЛнинг плей-офф босқичига йўл олдик.
Феликс — бизнинг энг яхши футболчиларимиздан бери. Унда вазият яратиш учун ноёб қобилият бор. У бу қобилиятини мунтазам равишда кўрсатиб келмоқда. У ўйинни якунланиб бораётган пайтда ҳам кучи бўлишини хоҳлайман. Эҳтимол у ўз кучини оқилона тақсимлаши керакдир. Чунки ўйин якунида гол киритиш учун қулай вазиятлар кўп бўлади, — деди Симеоне AFP нашрига.