Каталониянинг "Барселона" клуби собиқ ҳужумчиси Луис Суарес Мирамонтес 10-тур доирасида “Реал” жамоасига қарши бўлиб ўтган ўйинда жамоани кескин танқид остига олди.
"Биринчи бўлимда "Реал" ирода, тезлик ва техника борасида "Барселона"дан устунлик қилди. "Барселона" на тизгинни, на иродани намойиш эта олди. Ўз мухлислари қаршисида бундай ўйнаш керак эмас", - деди Суарес Cadena SERга берган интервьюсида.
Луис Суарес Мирамонтес "Барселона" шарафини1954 йилдан 1961 йилгача ҳимоя қилган. У “Барселона” таркибида икки карра Испания чемпионлигини ва “Олтин тўпни” қўлга киритган.
