«Милан» бош мураббийи Стефано Пиоли Златан Ибраҳимовичнинг "россонери" сафига қўшилишига ўз муносабатини билдирди.

«Ибра — жангчи ва етакчи. У — харизмаси юқори ўйинчи. Ундаги масъулият ва ғалабага бўлган иштиёқ юқори. У ўз жамоадошларини қандай руҳлантиришни билади. У жарима майдони ичида қандай ҳаракат қилишни билади. Златан бизнинг ҳужумдаги асосий қуролимиз бўлади.

Мен у билан телефон орқали гаплашдим. У жуда ҳаяжонланди ва биз билан машғулотда иштирок этишни интизорлик билан кутаётганини айтди. Мен ҳам унинг жамоамизга қўшилишини кутяпман.

У менга нима деди? Жамоадаги шароитлар ва навбатдаги машғулотлар ҳақида сўради. У менга: «Жаноб, хавотир олманг, менинг ҳолатим яхши», деди», — дея Пиолининг сўзларидан иқтибос келтирди Football Italia нашри.