“Барселона” “Динамо Загреб"нинг ҳужумчиси Дани Ольмони харид қилишга уриниб кўрди.

Marca нашрининг ёзишича, каталонияликлар 21 ёшли футболчи борасида расмий таклиф юборишган, бироқ Хорватия клуби таклифни рад этган.

Маълумот учун, Ольмо “Барса” тарбияланувчиси ҳисобланади. У “Динамо” сафида 2014 йилдан буён ўйнаб келмоқда. Ольмо бу вақт мообайнида 124та ўинда майдонга тушиб, 34та гол урган ва 28та голга ассистентлик қилган. Унинг трансфер нархи тахминан 35 миллион еврога баҳоланмоқда.