Голландиянинг «Аякс» клуби дарвозабони Андре Онана футболда ирқчилик муаммоларига дуч келган. Дарвозабоннинг айтишича, бир клуб (номини сир сақлади) унинг қора танли бўлганлиги учун шартнома тузишдан бош тортган экан. Бу воқеа 2017 йили “Аякс” клуби Европа Лигаси финалидан ўйнаганидан сўнг содир бўлган.

— Футболда қора танли футболчилар олдинга қадам ташлашида муаммоларга дуч келишларига амин бўлдим. «Аякс» клубидаги фаолиятимнинг биринчи йилида биз Европа  Лигасининг финалига чиқдик. Шундан сўнг, менинг агентим бир клуб билан музокара олиб борди, лекин улар мен билан шартнома тузишдан бош тортди, сабаби уларнинг мухлислари учун қора танли футболчиларнинг трансфери қийин амалга оширкан. Улар мени етарлича яхши футболчи эканлигим билан овутишган. Мен бу сўзларни шунчаки мақтов сифатида қабул қилганман, — деди Онана.