«Барселона» ҳужумчиси Лионель Месси Испания суперкубоги доирасида «Атлетико»га қарши бўлиб ўтган ўйин (2:3) борасида ўз фикрларини билдириб ўтди.

«Кўп томонлама ривожланишимиз керак. Биламан, натижаларимизни яхшилашимиз зарур. Ушбу йилда бугунгидек ўйнашга, аммо бундай болаларча хатога йўл қўймасликка ҳаракат қиламиз.

Вазият мураккаб, биз мусобақадан чиқиб кетдик, ваҳоланки, унда ғолиб чиқишни истаган эдик. Аммо биз олдинга ҳаракат қилишимиз ва ўсишда давом этишимиз керак.

Энди кейинги ўйинга тайёргарлик кўриш учун кўпроқ вақтга эга бўламиз. Олдинда Ла лиганинг иккинчи давраси кутиб турибди. Ҳамиша яхши ўйнай олмаётган бўлсакда, чемпионатда пешқадамлик қиляпмиз», – деди Месси.