Сумаре фаолиятини АПЛда давом эттириши мумкин.
Sky Sports порталининг тарқатган маълумотига қараганда, Франциянинг «Лилль» клуби ярим ҳимоячиси Бубакари Сумаре Англияга кўчиб ўтишга яқин турибди.
20 ёшли франциялик футболчи «Манчестер Юнайтед» ёки «Челси» клубидан бирини танлаши керак.
Эслатиб ўтамиз, Сумаренинг «Лилль» клуби билан тузган шартномаси шу йилнинг ёзида ўз якунига етади. Бу футболчига «Валенсия», «Манчестер Сити» ва «Реал» клублари ҳам қизиқиш билдирганди, бироқ, улар «Челси» ёки «МЮ» клублари сингари келишувга эриша олишмади.