Испания учинчи дивизиони клуби — «Унионистас» Испания кубогининг 1/16 финал босқичи доирасида бўладиган «Реал»га қарши ўйинни ўз майдонида қабул қилмаслиги мумкин.

Боиси, Саламанки шаҳри жамоаси уй стадионига жуда кам — 4000 мухлис сиғади. Шу боис, жамоалар ҳозирда ўйинни "Сантьяго Бернабеу"га кўчириш борасида музокара олиб боришмоқда.

Саламанки шаҳрида 17 минг ўриндиқли «Эльмантико» стадиони бор, аммо «Унионистас» ва «Саламанки» жамоалари ўртасидаги салбий муносабат туфайли жамоа бу аренада "Реал"ни қабул қилмоқчи эмас.

COPE нашри тарқатган хабарга кўра, «Реал» учрашувни «Сантьяго Бернабеу»да қабул қилишга ва чипталар савдосидан тушган даромадни «Унионистас»га ўтказиб беришга тайёр. «Унионистас» - «Реал» ўйини 22 январь, чоршанба куни бўлиб ўтади.