Лондоннинг “Челси” клуби таркибидаги ўйинлари билан машҳур бўлган Демба Ба ўтган мавсумда “Олтин тўпни” Лионель Месси эмас, балки ватандоши Мане олиши кераклиги ҳақида фикр билдирди.
«Замонавий футболда статистикага жуда кўп эътибор қаратилмоқда.Садио Маненинг кўрсатган ўйини футболдаги шахсий соврин учун етарли бўлади деб ўйлайман.
Мане 2019 йилда кўплаб совринларга эга чиқди. У Европа Чемпионлари Лигасини ва УЕФА Суперкубогини ютди. Садио ўзининг жуда кўплаб голлари билан ажойиб мавсумни ўтказди. Бундан ташқари, у кўплаб муҳим учрашувларнинг тақдирларини ҳал қилди. Мане “Олтин тўп” учун ҳақли эканлигига шубҳа қилмайман.
Ўйин борасида Мессига тенг келадиган йўқ, лекин айнан 2019 йили Мане энг кучлиси эди», — деди Демба Ба.
