"Лацио" босим остида қолишни бошлагандики, муҳим очколарни бой бермоқда. Уйида 0:0 ҳисобидаги дуранг. "Верона" яхшироқ ўйнаган қизиғи...

Энди Конте Милан дербисига хотиржам тараддуд кўрса бўлаверади — иккинчи ўриндан тушмади.

Сезяпсизми, Милан дербиси даражаси ошмоқда?! Яқинда ўтган Рим дербиси сингари бизга шиддатли онларни улашмоқчи:

"Интер" ўнинчи йиллар бошидан бери энди-энди чемпионлик курашида, "Милан" эса, Златан келгач кўзини уйқудан очди.

Милан дербисида мезбон-меҳмон даражаси йўқлиги учун ҳам кураш зўр кечади. Битта стадион, таниш чеҳралар, миллионинчи марта тўқнашув...

Ҳа, Италия футболига барибир бошқачароқ қарайман. Айниқса, дербиларига. Якшанба оқшомида кечадиган баҳс, ишонинг, ҳафтангизнинг безаги бўлади. Параллел вақтга "Бетис" - "Барселона" (Сетьен собиқ жамоасига қарши) ва ПСЖ - "Лион" ўйинлари қўйилган. Ла лига ва Франция чемпионатига ачиндим)

Миланлик тифозилар ҳозирданоқ петардаларни тайёрлашяпти. Эҳтиёт бўласиз!

Хайрулла Ҳамидов.