Лондоннинг "Тоттенхэм" клуби бош мураббийи Жозе МоуриньоЕЧЛ доирасида "Лейпциг" (0:1) клубига қарши бўлиб ўтган учрашувдан кейинги фикрлари билан ўртоқлашди.

"Йигитлар қўлидан келган барча ишни қилишди. Жамоамиз ажойиб футболчилардан ташкил топган. Биз бор кучимизни бериб ҳаракат қилдик. Ажойиб қўллаб-қувватлагани учун мухлисларга раҳмат айтмоқчиман.

Бу учрашувда ҳали ҳеч нарса ҳал бўлмади. Ўз майдонидаги 0:1 ҳисобида мағлубиятга учраган ягона жамоа эмасмиз. Биринчи учрашувда мағлуб бўлиб, кейинчалик кейинги босқичга йўл олган жамоалар жамоалар кўп, нима учун биз бу ишни амалга оширмаслигимиз керак?

Ло Чельсо фантастик ўйин намойиш этмоқда. У майдон марказида яхши ўйнади, лекин сариқ карточка олмасликка ҳаракат қилиши керак эди. Охирги 20 дақиқа у тўп билан ажойиб муносабатда бўлди.

"Лейпциг"нинг заҳирасида кўп футболчилар бориди. Мен олдинда ЛукасМоуро ва Бергвейнлар билан натижа қилишга ҳаракат қилдим, лекин уларда чарчоқ аломатлари сезилиб қолди. Агар ўйинни таҳлил қилмоқчи бўлсангиз, у ҳолда бизнинг вазиятларимизга назар ташланг.

Биз жуда қийин вазиятдамиз. Ўз футболчиларим билан фахрланаман. Мени хавотирга солаётган нарса шуки, бу вазият мавсум охиригача давом этади. "Лейпциг" билан жавоб учрашувида максимум тарзда яхши ўйин намойиш этишимизни кафолатлайман.

Таркибимиздаги футболчилардан келиб чиққан ҳолда ўйин схемамизни алмаштиришга ҳаракат қиламиз. Агар имконим бўлганида ўзимизни дарҳол 1 июлга кўчирган бўлардим. Лекин биз охиригача курашишимиз шарт", - Моуриньнонинг сўзларидан иқтибос келтирмоқда УЕФА.