“Аякс” ярим ҳимоячиси Сим де Йонг расман “Цинциннати” клуби билан шартнома имзолади. Бу ҳақда клуб расмий сайти хабар тарқатди.
31 ёшли футболчи янги жамоасига эркин агент сифатида бориб қўшилди. Де Йонгнинг “Аякс” билан шартномаси 2020 йилнинг ёзига қадар мўлжалланган эди, бироқ амстердамликлар футболчи билан шартномани бекор қилди ва уни қўйиб юборишга қарор қилди.
Маълумот учун, футболчи “Аякс” сафида 277та ўйинда майдонга тушиб, 88та гол урган ҳамда 52та голга ассистентлик қилган. Футболчи шунингдек, “Ньюкасл”, ПСВ ва “Сидней” жамоалари сафида ҳам тўп сурган.
