Иорданиянинг Амман шаҳрида бокс бўйича Токио Олимпиадасига лицензия берувчи мусобақа давом этмоқда. Бироз аввал ҳамюртимиз Фанат Қаҳрамонов -75 килограмм вазн тоифасида саралаш босқичида рингга кўтарилди.
Юртдошимиз дастлабки даврада мезбон спортчи Осама Мажид билан рўбарў келди. 3 раунд давомида тўлиқ устунликка эришган Қаҳрамонов иккинчи давра йўлланмасига эга чиқди. Ҳакамларнинг барчаси Фанатнинг ғалабасини эътироф этишди — 5:0.
Қаҳрамонов 5 март, пайшанба нимчорак финал босқичида Самоа давлати вакили, мусобақада 3-рақам остида сараланган Женсен Поутуага қарши рингга кўтарилади.
