"Ювентус" клуби ва Португалия терма жамоаси ҳужумчиси Криштиану Роналду кенг оммага мурожаат йўллади.

"Дунё қийин вазиятни бошдан кечирмоқда. Бу эса барчадан диққат ва эътиборни талаб қилади. Бугун мен сизга футболчи сифатида эмас, ўғил, ота ва оддий инсон сифатида мурожаат қиляпман. Бутун дунёни ташвишга солаётган воқеа мени ҳам хавотирга солмоқда.

Инсон ҳаёти ҳимояси ҳар қандай қимматбаҳо нарсадан қадрлироқ. Ўз яқинларини йўқотганларга таъзия билдираман. Дўстим Даниэле Ругани каби вирус билан курашаётганлар билан эса бирдам эканимни билдирмоқчиман. Шунингдек, эпидемия билан курашаётган тиббиёт ходимларига эса тасанно айтаман", — дея ёзди Роналду ўзининг Твиттердаги саҳифаси орқали.