Италиянинг «Наполи» клуби ҳужумчиси Дрис Мертенс "Instagram" саҳифасидаги эфирда янги шартнома борасидаги саволга жавоб бера олмади.
Бельгиялик футболчи саволга жавоб бериш ўрнига, "Мен бу ҳақда жавоб бера олмайман, акс ҳолда яна бир марта жарима тўлашимга тўғри келади"-деб жавоб қайтарди.
«Наполи» клуби тўпурарининг шартномаси шу йилнинг июнь ойида ўз якунига етади. Мертенс янги шартнома борасида жамоаси билан келишувга эришди қабилидаги хабарлар тарқалганди. Бироқ, Неапол шаҳрининг Il Mattino газетаси тарқатган маълумотга қараганда, томонлар ҳали бу борада келишувга эришмаган.
