Кириш Регистрация

Хабарлар

Роналдиньо турмада қандай кун кечирмоқда?

Баҳо:
+ | -

Бразилиялик афсонавий Роналдиньо 6-март санасидан бери Парагвай қамоқҳоналаридан бирида сақланаётганидан хабарингиз бор. Уни ҳужжатларни сохталаштириш гумон қилишгани боис турмада ушлаб туришибди.

Шунга қарамай, сўнгги хабарларга қараганда, футболчи ўз вақтини бекорга сарфламаяпти. Қаҳрамонимиз озодликдан вақтинча маҳрум этилганига қарамай, ҳавас қилса арзигулик ҳаёт кечирмоқда. Эндиликда Рони истаганича тўп тепмоқда.

Замонавий футболчилар карантин сабабли уйдан кўчага чиқа олмаётган бир пайтда, Роналдиньо ўзи истамаган тарзда «карантин»да ўтирибди. Шу жумладан Роналдиньо ҳам 6-мартдан бери Парагвай политсияси томонидан гаровда ушлаб турилмоқда.

Футболчи ва унинг акаси Парагвайдан Бразилияга учиб кетиш учун аэропортга ташриф буюрганидагина уларнинг ҳужжатлари сохта эканлигини маълум бўлган. Шундай бўлса-да, собиқ футболчининг агенти мижози ҳеч нарсадан бехабар эканлигини такрорлашдан чарчамаяпти. Аслида бу ҳужжатларни маҳаллий бизнесмен Роналдиньога совға тариқасида тақдим этган бўлса-да, Парагвай ҳукумати Ронини турмада вақтинча ушлаб турибди.

Қарийб икки ҳафтадан бери футболчи оғир шароитдаги жазо калонасида ҳаёт кечирмоқда. Сўнгги маълумотларга қараганда, Рони акаси билан қамоқҳонадаги энг яхши камерага жойлаштирилган. Қамоқҳона мудирининг айтишича, ака-укалар жойлашган камера исталган отелдан кўра кўпроқ қулайликларга эга экан. Шунингдек, улар жойлашган блокда пора билан қўлга тушган Парагвай футбол федерациясининг собиқ раҳбари ҳам сақланмоқда.

Роналдиньонинг ўзи тезроқ турмадан чиқиш учун Парагвай судидан уни гаров эвазига қўйиб юборишларини илтмос қилган. Футболчи ўз илтимосини амалга ошириш мақсадида 1,6 миллион доллар таклиф қилганига қарамай, Парагвай ҳокимияти футболчининг илтимосини рад этди. Парагвай суди ака-укаларнинг Бразилияга қочиб кетиши мумкинлиги сабабли уларни ҳозирча махсус камерада ушлаб туришни афзал кўрган.

Ҳозирча Роналдиньо ва Роберто турмада яна қанча вақт сақланиши номаълумлигича қолмоқда. Маълумотларга қараганда, ака-укалар тергов тўлиқ якунланмагунига қадар Парагвайдан чиқиб кетиш ҳуқуқига эга эмас. Маҳаллий нашрларнинг берган хабарларига кўра, тергов камида 6 ойга чўзилиши мумкин.

Футболчидан қамоқҳонадаги маҳбуслар бирга тўп суришни илтимос қилишган, бироқ Рони ўзига мос келувчи оёқ кийим йўқлиги боис буни рад этган. Шунга қарамай, сўнгги кунларда собиқ ЖЧ ғолибининг қора оёқ кийимда мини-футбол майдонида тўп тепаётгани акс этган видео ижтимоий тармоқларда кенг тарқалди.

Роналдиньонинг дўсти Фернандо Лугонинг айтишича, футболчи учун қамоқҳонада барча шароитлар яратилган. У вазиятдан норози бўлаётганига қарамай, унинг ҳаёти бошқа махбусларникидан кескин фарқ қилаётган экан.

Қамоқҳона нозири Влас Вера берган интервьюга кўра, футболчининг кундан-кун кайфияти яхшиланиб бормоқда.

“Кўриниб турибдики, унинг кайфияти жуда яхши. Мен уни телекран орқали мана шундай қунвоқ қиёфада кўришга ўрганиб қолганман. У қамоқҳонадаги бошқа махбуслар билан сўзлашганини ва улар билан очиқ ҳавода айланиб юрганини кўрдим”.

Бугунги кунда Рони тушиб қолган вазият барча ўйлаганичалик оғир эмас. Футболчи ҳар куни ўзи истаган таомни буюртириши, истаган вақтда камерадан чиқиш ҳуқуқига эга. Шунга қарамай, бразилиялик тезроқ барчасига чек қўйишни истамоқда. Воқеалар ривожини кузатишда давом этамиз.

Манба: sports.ru
Киритилди: 16:54, 21.03.2020.
Ўқилди: 6887 марта.
Фикрлар: 2 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.