Италиянинг Бергамо шаҳридаги шифохоналарнинг бирида пульмонология бўлими бошлиғи сифатида ишлаётган Фабиано Ди Марко Европа чемпионлар лигаси нимчорак финал босқичида бўлиб ўтган «Аталанта» - «Валенсия» (4:1) ўйини коронавируснинг тарқалишига жиддий таъсир кўрсатганини айтди.

«19 февраль куни Бергамонинг 40 минг аҳолиси «Сан-Сиро»га келиб, «Аталанта» – «Валенсия» ўйинини томоша қилишди. Улар автобус, машина ва поездларда келиб-кетишди... Бу биологик бомба бўлган эди, афсуски», – деди пульмонолог (нафас йўлларини даволовчи шифокор).

Ҳозирда Италияда коронавирусга чалинганлар сони 60 мингдан ошди, 5 мингдан ортиқ одам вафот этди. Беморларнинг деярли ярми Ломбардия вилоятида рўйхатдан ўтган.