Испания қироллик футбол федерацияси президенти Луис Рубиалес Ла лиганинг 2019/2020 йилги мавсумни якунлаш борасида режалари билан ўртоқлашди.

«Барча спорт мусобақалари тўхтатилган. Ҳозирча янги сана ҳақида ўйламаяпмиз ва тахмин қилмаймиз. Муносиб вақт келганида ушбу масала муҳокама қилинади. Аммо ҳозир аниқ санани белгиламоқчи эмасмиз. Жамият нормал ҳаётга қайтганида, ўшанда бу ҳақда гаплашамиз. Футболчиларга энг яхши шароитларда ўйнаш имкониятини беришимиз керак. Ҳозирча режалар ҳақида гапира олмайман. Башорат билан шуғулланишни ёқтирмайман. Қурбонлар кўп. Мавсумни қайта бошлашнинг аниқ санасини белгилай олмаймиз.

Қандай бўлмасин мавсумни якунлашимиз керак, лекин бунинг кейинги мавсумга ҳам таъсири бўлиши керак эмас. Мақсадимиз — мавсумни якунлаш. Биз шунчаки клубларни Сегундага юбора олмаймиз, Сегундадан жамоаларни Ла лигага кўтара олмаймиз. Улар буни ҳақли равишда қўлга киритишлари керак. Мамлакат тикланганидан кейин мавсум охирига етказилади. Мавсумни май ойида қайта бошлашнинг иложи йўқ. Аммо бу мавзуда адашган бўлишимни истардим. Акс ҳолда тақвимни чўзишга тўғри келади. Мақсад — мавсумни сақлаб қолиш. Бу бизнинг ғоямиз. Қайси жамоа ғолиб чиқиши, қайси жамоа ютқазишидан қатъи назар, бу иш майдонда ҳал бўлиши керак», — деди Рубиалес "Marca" нашрига берган интервьюсида.