Хайрулла Ҳамидов мақоласи: «ЕЧЛ қаҳрамони»

Биринчи апрель бугун. Ўтмишнинг ёрқин юлдузларидан бири Кларенс Зеедорф таваллуд топган кун. Тунов кун унинг дўсти, ўхшаши, ватандоши Эдгар Давидс ҳақида гаплашгандик. Навбат Нидерландия терма жамоасининг ўтган аср охирларида порлаган йигитига.

Унинг майдондаги саргузаштлари ажойиб. Эшитинг бўлмаса:

1976 йил туғилган. Парамарибо шаҳрида, Суринам. Шу пайтга қадар учта турли клуб билан ЕЧЛни енгган ягона футболчи ҳисобланади. "Аякс" билан 94/95, "Реал" билан 97/98, "Милан" билан 2003 ва 2007 йиллари.

"Аякс"нинг ўша довруғли мактаби тарбияланувчиси. Европани забт этгач, қироллик клубига ўтган. У ерда икки йиллик миссиясини бажариб, "Интер" сари йўл олган.

Ўзининг айтишича, Бразилияда дам олиб юрганида, Марчелло Липпи қўнғироқ қилган, уни "Интер"да кўришни истаётганини айтган. Роналдо ва Вьерининг ортида ўйнатишга ваъда берган. "Нерадзурри"даги фаолияти у қадар ёрқин бўлмаса-да, эслашга арзигули воқелик. "Интер"га борганининг бошқа фойдали томони борки, Милан шаҳрининг номдош клубига ўтиши осон кечди. Уни "Милан"даги Франческо Кокога алмаштирилган.

"Милан" Зеедорф учун энг яхши клуб бўлди. 2002/03 йилги мавсумда Италия кубогини қўлга киритди — бу 26 йилдан бери кутилган натижа эди, бир йил ўтгач ЕЧЛ финалида "Ювентус"ни мағлуб этишда иштирок этди. Шу билан учта жамоа билан кубокни боши узра кўтарган дастлабки ва ҳозирча ягона футболчи бўлиб турибди.

2007 йилги "Милан" таркибида эса, у умуман порлади. Турнирнинг энг яхши ярим ҳимоячиси номини қўлга киритиб, Пирло ва Гаттузо билан марказнинг қўрқинчли учлигини ташкил этди. "Милан" 2011 йили узоқ кутилган скудеттога эгалик қилди.

Чемпионликда қаҳрамонимиз асосий ролни ўйнади, десак муболаға бўлмас. Ўша пайт 35 ёшда бўлганини ҳисобга олсак, суринамлик ўғлон 36 учрашувда мунтазам ҳаракат қилди. Тўртта гол ҳам урди. Охирги голи "Милан"га чемпионлик тақдим этган гол.

Зеефдорф ЕЧЛ ташкил этилганидан буён 20 та кучли футболчилар рўйхатида 7-ўринда туради. Айнан шу турнир учун туғилган иқтидорлардан эканига яхшигина мисол.

Зеефдорфнинг мураббийлиги футболчилигининг тескариси. "Милан"да бошланган янги соҳа кейинги клубларида ҳам чилпарчин бўлди. "Шеньчжен"да ҳам омад кулмади, "Депортиво" Ла Коруньяда ҳам, Камерун терма жамоасида ҳам фақат ҳайдалди.

Марказий ярим ҳимоячиларнинг кўпи мураббийлик соҳасида муваффақиятли ҳаракат қилаётганини ҳисобга олсак, Зеедорфда бу қобилият у қадар кучли эмаслигига энди иқрормиз. Кларенс хотирамизда "Милан" либосида, 10-рақамда қолгани яхшироқ.

Хайрулла Ҳамидов

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Хайрулла Ҳамидов мақоласи: «ЕЧЛ қаҳрамони»

ЭНГ КЎП ЎҚИЛГАН ЯНГИЛИКЛАР