Мадриднинг "Реал" клуби ҳужумчиси Карим Бензема ўзини «Формула-1», Олиьве Жируни эса картинга таққослаганидан кейин Франция терма жамоаси ва Каталониянинг "Барселона" клуби ҳужумчиси Антуан Гризманн Жируни ҳимоя қилди.
Карим Бензема яқинда берган интервьюсида Франция терма жамоасида ўйнамаётганини эслаганди. Терма жамоа бош мураббийи Дидье Дешамнинг бу қароридан норози бўлган Бензема ўзини Жиру билан таққослаганди.
«Формула-1» билан картингни адаштирманглар. Мен – машинаман», — деганди Бензема.
Гризманнинг қайд этишича, унда ушбу можаро ҳақида изоҳ бермасликни сўрашган.
«Менда муаммолар пайдо бўлиши мумкин. Менга Жиру ёқади. У ажойиб футболчи, у терма жамоамизнинг Жаҳон чемпионлигини қўлга киритишида ёрдам берган. Бу унинг профессионаллигидан далолат беради», — деди Гризманн.
