“Эвертон” “Реал Мадрид”нинг икки футболчиси Гарет Бэйл ва Хамес Родригесни ўз сафига қўшиб олмоқчи.
Marca нашрининг ёзишича, “Эвертон” бош мураббийи Карло Анчелотти жамоасини собиқ шогирдлари билан кучайтирмоқчи.
Италиялик мутахассис Бэйл билан келишиш қийин бўлишини тушунмоқда, бироқ Карло уни кўндиришига ишонади. Хамес эса жамоасини ўзгартиришга қарши эмас.
Маълумот учун, Бэйлнинг “Реал” билан шартномаси яна икки йилдан сўнг ниҳоясига етади, Хамесники эса бир йилдан сўнг якунланади.
Эслатиб ўтамиз, жорий мавсум Бэйл 14та ўйинда майдонга тушиб, 2та гол урган ва 2та голга ассистентлик қилган. Хамес эса 7та ўйинда 1та гол уриб, 1та голга ҳаммуаллифлик қилган.
