«Манчестер Сити» ярим ҳимоячиси Илкай Гюндоган "Бавария" ҳужумчиси Роберт Левандовски ҳақида ўз фикрини билдириб ўтди. Аввалроқ бу икки футболчи Дортмунднинг "Боруссия" клуби сафида бирга фаолият юритишган.
"Роберт билан бирга ўйнаш ёқимли бўлган. У доимо ўсишда давом этмоқда. Техника борасида Левандовски ҳамиша зўр бўлган. Энди эса бунга совуққонлик хислати қўшилди. У ажойиб голлар урмоқда. Мен учун Роберт — айни пайтда жаҳондаги энг зўр ва мукаммал ҳужумчи", — деди Гюндоган.
Эслатиб ўтамиз, Левандовски Бундеслиганинг ушбу мавсумида 23та ўйинда майдонга тушиб, 25та гол урди ва 3та голга узатма берди.