Англиянинг «Манчестер Сити» клуби футболчиси Робиньо 2008 йили қандай қилиб "Реал" таркибидан "шаҳарликлар" таркибига келиб қолгани ҳақида сўзлаб берди.
«Ўша пайтдаги мақсадим "Челси" футболчиси бўлиш эди. Сколари мени "кўклар" сафига қўшилишимни ишонтирганди. Лекин «Челси» «Реал» билан олиб борган музокара муваффақиятсиз чиққанди. Мадрид менинг «Челси» клубига ўтишим расмий эълон қилингунга қадар сотувга чиққан футболкаларимни салбий қабул қилди. Шунинг учун "Реал" мени "Челси"га эмас, "Манчестер Сити"га сотишга қарор қилди.
Мен Шахй Мансур билан бир неча маротаба суҳбатлашганман. У менинг ҳужумдаги шерикларим Кака ва Месси бўлишларига ишонтирганди.
Ўзим ўйнаган ҳар бир клубда мамлакат чемпионлигини қўлга киритиш бахтига муяссар бўлдим. Лекин фақатина «Манчестер Сити» билан бу совринни қўлга кирита олмадим. Фаолиятим давомида «шаҳарликлар» учун бош совринни қўлга киритишда ёрдам бера олмаганимдан афсусланаман», — деди Робиньо.
