«Барселона»нинг аргентиналик собиқ ҳужумчиси Хавьер Савиоланинг фикрича, каталонияликлар келажакда Мессининг ўрнини босиши учун албатта Лаутаро Мартинесни сотиб олиши шарт деган фикрда.

«Кўк-анорранглилар» Лаутаро Мартинесни сотиб олиш ниятида эканликлари маълум. Матбуотда футболчи ушбу битимга қарши эмаслиги айтилмоқда. Шу сабабли, "Барселона" ҳозирда "Интер"га мос келадиган таклиф юборишга ҳаракат қилмоқда.

«Ҳа, бу жуда зўр! Лаутаро – ҳозирги кунда дунёнинг энг кучли ҳужумчиларидан бири. Менга унинг футболга бўлган муносабати ёқади. Мартинес – ёш ҳужумчи, бироқ, футболни жуда яхши тушунади. У қойилмақом ўйинга эга.

Лаутаро «Барселона»га жуда мос тушади. У тўғри ўйин фалсафасига эга. Мен уни биринчи марта кўрганимда, у буюк клублар учун мўлжалланганини пайқаганман. У келажакда Мессининг ўрнини босади», — деди Савиола.