«Барселона»нинг болгариялик афсонавий собиқ ҳужумчиси Христо Стоичковнинг сўзлариги қараганда, коронавирус пандемияси пасайишини кутмасдан, чемпионатни якунлаб қўйиш адолатли бўлади.
Испания чемпионати ҳам бошқа давлат чемпионатлари сингари номаълум муддатга тўхтатиб қўйилган. Чунки, Европа коронавирус энг кўп авж олган минтақа бўлиб турибди.
Айни айтда «Барселона» Ла Лигада пешқадамлик қилмоқда. Христо Стоичков мавсумни якунлаш керак деб ҳисоблайди.
«Агар учрашувлар қандай ўтганига назар ташлайдиган бўлсак, ҳозир мавсумни якунлаш адолатли бўларди деб ҳисоблайман. Мен бу билан нотўғри нарса кўрмаяпман. Агар клуб чемпионлик учун курашадиган бўлса, у ҳолда биринчи ўринни эгаллаб туриши керак. Агар клуб лигада қолиш учун курашаётган бўлса, лигани тарк этадиган жамоалар жой олган паст ўринларда бўлмаслиги керак», — деди Христо Стоичков.
