"Реал"нинг германиялик ярим ҳимоячиси Тони Кроос коронавирус пандемияси келтириб чиқарган инқироз туфайли футболчиларнинг маоши пасайиши ҳақида ўз муносабатини билдирди.
"Маошни қисқартириш — қурбонлик. Мен футболчилар маошларини тўлиқ олишларини, қандайдир қисмини хайрия ишларига ажратиб, қолган қисмини оқилона фойдаланишини хоҳлайман. Ёрдамга муҳтож кўплаб ташкилотлар мавжуд. Кўплаб клублар режалаштирилган даромадни ола олмаяпти. Молиявий йўқотишлар даражаси танаффуснинг қанча муддат давом этишига боғлиқ.
Масалан, агар чемпионат май ойида давом эттирилса, у ҳолда ечиб топилади. Агар қишни кутиш керак бўлса, у ҳолда баъзи клублар қишгача етиб бора олмайди. Бу футболни ўзгартириб юборади. Футбол кейинчалик биз билгандек бўлмаслиги мумкин", — Крооснинг сўзларидан иқтибос келтирмоқда Marca нашри.
