Кириш Регистрация
03/06 23:30 Вердер - Айнтрахт Франкфурт
05/06 19:00 Смолевичи - Городея
05/06 21:00 Слуцк - Торпедо-БелАЗ
05/06 23:30 Фрайбург - Боруссия М

Хабарлар

Биласизми? Муҳиддин Абдувалиев "Қўқон-1912" тўпурари ҳисобланади

Баҳо:
+ | -

Аввал хабар берганимиздек "Қўқон-1912" жамоаси бу йил кучлилар сафида 15-мавсумни ўтказмоқда. Қўқонликлар Ўзбекистон чемпионатлари тарихида 431 та ўйинда майдонга тушишган ва жами 573 та гол киритишган. Ана шу 573 та гол 78 нафар футболчи томонидан киритилган.

Қўқонликлар таркибида энг кўп гол урган футболчи Муҳиддин Абдувалиев ҳисобланади. Айни кунларда жамоамиз мураббийлар штабида фаолият олиб бораётган Абдувалиев, "Қўқон-1912" таркибидаги фаолияти давомида рақиб дарвозабонларини 40 марта ранжитган.

"Қўқон-1912" тарихидаги тўпурарлар билан танишинг.

Энг кўп гол Муҳиддин Абдувалиевга тегишли – 40 та. Кейинги ўринда Соли Қурбонов — 34 та, Рустам Абдуллаев — 32 та, Ойдинбек Алиев — 30 та, Зоҳид Нурматов — 29 та. Голлардан нақд 44 таси пенальтидан рақиб дарвозасига киритилган.

Муҳиддин Абдувалиев "Қўқон-1912" жамоасининг Ўзбекистон чемпионатлари тарихидаги илк голи ҳамда  юбилей, 300 - голининг ҳам муаллифи ҳисобланади. 1992 йилдаги чемпионатнинг иккинчи турида Қўқонликлар ўз майдонларида Тошкентнинг "Трактор" жамоасини қабул қилишган ҳамда ўша ўйинда Муҳиддин Абдувалиев жамоанинг дастлабки голини Тошкентликлар дарвозасига киритган.

2000 йилги Ўзбекистон чемпионатининг 23-турида “Кимёгар” дарвозасига 300-гол киритилган. Мазкур баҳсда 4:2 ҳисобида Қўқон жамоаси ғолиб чиққан. Учрашувнинг 27-дақиқасида Муҳиддин Абдувалиев ўйиндаги иккинчи ва жамоа тарихидаги 300-голга муаллифлик қилган эди.

Манба: kokand1912.uz
Киритилди: 11:46, 23.04.2020.
Ўқилди: 1156 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.