«ПСЖ» ярим ҳимоячиси Андер Эррера жамоадоши Килиан Мбаппени даражасини юқори баҳолади.
«Машғулотларда Мбаппе билан таққосласак, биз ёш болага ўхшаб қоламиз. Тезлик борасида у барчани ортда қолдиради. Гўёки у Усэйн Болт, биз эса ёш болалар.
Футболда тезкор ўйинчилар кўп, аммо ўйин пайтида Килиан тўхташга, мўлжал олишга ва аниқ зарба беришга улгуради.
Ўйлашимча, 2025 йилда у «Олтин тўп»ни қўлга киритиш учун асосий даъвогар бўлади, ҳаттоки уни қўлга киритса ҳам керак», — деди Эррера "ESPN"га берган интервьюсида.
2019/20 йилги мавсумда Мбаппе парижликлар сафида 33та ўйинда майдонга тушиб, 30та гол урди ва 17та голга узатма берди.