«Атлетико» ушбу битимга қарши эмас.

Испания матбуоти тарқатган маълумотга қараганда «Арсенал» ва «Атлетико» клублари ўзаро футболчи алмаштиришга келишиб олди. Клублар шу йўл орқали молиявий муаммоларни четлаб ўтмоқчи.

Яқинда Александр Ляказетт кўздан ёш оқизувчи газдан фойдалангани учун навбатдаги мажоро иштирокчисига айланиб қолганди. Клубдагилар унинг спорт формасидан норози бўлишмоқда. «Атлетико» ушбу футболчини ўтган йилнинг ёзида ҳам ўз сафларига қўшиб олишга ҳаракат қилган эди.

«Арсенал» айни пайтда Тома Лемарни кузатиб бормоқда. Франциялик футболчи икки мавсумдан бери Мадридда ўзини кўрсата олмаяпти.

Футболчи алмаштириш қўшимча компенсация орқали амалга оширилмоқчи. Чунки, ушбу футболчиларнинг трансфер бозоридаги нархи деярли бир хил.