Лондоннинг «Челси» клуби ярим ҳимоячиси Матео Ковачич жамоа бош мураббийи Франк Лэмпард ҳақида фикр билдирди.

— Биз Маурицио Сарри қўл остида ажойиб мавсумни ўтказдик ва Европа Лигасини қўлга киритдик. Лэмпард жамоани қабул қилиб олиши биланоқ, унинг дастлабки кунларидан ишларидан қониқиш ҳосил қила бошладик. Менга унинг машғулотлари ёқди, чунки, унинг бераётган вазифалари ҳақиқатдан ҳам оғир. Менга унинг характер и ёқди ва жамоа билан муносабати маъқул келди. Ўйлайманки, мен ундан кўп нарсаларни ўргандим, чунки, менга етишмаётган масалаларда жуда яқиндан ёрдам бермоқда. У яхши мураббий ва ажойиб инсон, — деди Ковачич ўзининг "Instagram"даги расмий саҳифасида.