Яқиндагина "Андижон" футбол клуби бош мураббийига айланган Виктор Кумиков Қозоғистоннинг Sports.kz сайтига интервью берди.

— Виктор Балютович, карантин пайтида вақтни қандай ўтказяпсиз?
— Карантин пайтида Ўзбекистонда эдим. Меҳмонга келгандим, кейин шу ерда қолиб кетдим. Тақдир шекилли!

— Коронавирус бутун дунёда футболнинг ривожланишига жиддий таъсир кўрсатдими?
— Вирус футболга таъсир кўрсатди. Қанчалик жиддийлиги эса карантин қанча вақт давом этишига боғлиқ.

— «Атирау» бош мураббийи лавозимини тарк этганингиздан кейин футболни соғинганмидингиз?
— Унчалик эмас. Шуғулланадиган ишларим бор эди. Мураббийлик иши бор экан — бу албатта яхши.

— «Андижон»да ишлаш варианти қандай пайдо бўлди?
— Барчаси оддий: клуб вакиллари ҳозир Ўзбекистонда эканимни билиб, мен билан алоқага чиқишди. Барчасини келишиб олдик.

— Ўзбекистон чемпионатининг дастлабки 3та туридан кейин «Андижон» мусобақа жадвалининг қуйи поғонасини эгаллаб турган эди. Бу ҳолат сизни хавотирга солмайдими?
— Йўқ, чемпионат энди бошланди. Мен жамоанинг ўйинларини кўрдим, вазиятни ўнгласа бўлади.

— Жамоа олдингизга қандай вазифа қўймоқда?
— Катта натижалар қўйилмади, аммо камида 7-ўринни эгаллашимиз керак. Раҳбарият вазиятга реал қарамоқда. Молиялаштириш тахминан шундай даражада, аммо келажакка умид бор.