Лондоннинг "Челси" клуби хўжайини Роман Абрамович ушбу ёзда икки қимматбаҳо ўйинчини харид қилишга тайёр.
"Athletic" хабарига кўра, россиялик бизнесмен Фрэнк Лэмпарднинг ишидан мамнун ва жамоани кучайтириш учун қўшимча маблағ сарфлашни режалаштирмоқда, бу келажакда клубга яна чемпионлик учун курашишда ёрдам беради. Абрамовичга икки йилдан бери инглиз визасини ололмаётгани халал бермайди ва у клубни ривожлантириш устида ишламоқда.
Абрамович Лэмпарднинг ушбу мавсум охирида Чемпионлар лигасига чиқа олишини кутади, шундан сўнг у "Лестер" ҳимоячиси Бен Чилвелл ва топ ҳужумчи сотиб олишга маблағ ажратади.
Эслатиб ўтамиз, "Челси" ҳужумкор позициясига номзодлар орасида Тимо Вернер, Мусса Дембеле, Кай Хаверт, Жейдон Санчо ва Пьер-Эмерик Обамеянг бор.
