«Реал» ярим ҳимоячиси Лука Модрич ўзининг «Менинг ўйиним» номли автобиографиясида ҳужумчи Криштиану Роналду ва мураббий Жозе Моуриньо ўртасида юз берган можаро ҳақида ёзди.

«Моуриньонинг реакцияси мени ҳайрон қолдирди. Биз Испания кубогида 2:0 ҳисобида ғалаба қозондик. Рақиб тўпни ён чизиқдан ташлаб берган пайтда Криштиану ўйинчини ушламади. Жозе эса Роналдуга жаҳл қилди. Улар майдонда узоқ вақт тортишишди.

Танаффусда кийиниш хонасига қайтганимизда Роналдунинг ҳафсаласи пир бўлганини кўрдим, у йиғламсираб турганди. Криштиану: «Бор кучим билан ҳаракат қилганимга қарамай, у ҳамон мени танқид қилмоқда», деган эди.

Моуриньо эса хонага кирди ва португалиялик футболчини танқид қила бошлади. Можаро катталашиб борди. Фақат орага ўйинчилар аралашиши оқибатида унинг жанжалга айланиб кетишининг олди олинди», – дея ёзди Модрич ўз китобида.

Роналду Моуриньо бошқаруви пайтида «Реал» сафида 106та ўйинда майдонга тушиб, 120та гол урган.