Мадриднинг «Реал» клуби ва Германия терма жамоаси ярим ҳимоячиси Тони Кроос келгуси фаолияти ҳақидаги фикрлари билан ўртоқлашди.

«Футбол оламида уч йил – бу жуда кўп. Мен Мадрид билан шартномамни охиригача етказишни ният қилганман. Ўшанда 33 ёшга тўламан ва олдимда кўплаб вариантлар бўлади. Жамоани тарк этиш, қолиш ёки буцаларимни михга илиш. Мен «Реал» футболчиси сифатида фаолиятимни якунламоқчиман.

Мен ўзимни футболда тасаввур қиламан, лекин юқори даражадаги мураббий сифатида эмас. Бунинг устига, футболда мени энг кўп безовта қиладиган нарсаларга қайтишга тўғри келади — сафарлар. Ҳафталаб уйга қайтмаслигим мумкин. Бу менга ёқмайди», — дейди Кроос.

Тони Кроос 2014 йилдан бери «Реал» сафида ўйнаб келмоқда. Бунгача у «Бавария» ва «Байер» клубларида тўп сурган.

Ушбу мавсумда у Мадрид клуби сафида барча мусобақаларда 33 та ўйинда қатнашиб, 5 та гол урган ва 9 та голга ҳаммуаллифлик қилган. Унинг клуб билан келишуви 2023 йилгача амал қилади.