Ла лига жадвалида 4-поғонани эгаллаб турган «Севилья» ўз уйида «Вальядолид»ни қабул қилиб, зўрға мағлубиятдан қутулиб қолди.

Учрашувнинг 25-дақиқасида мезбонлар Оливаснинг голи эвазига ҳисобни очишди. Шундан сўнг андалусияликларнинг уринишлари баҳс тугашига 7 дақиқа қолганида самара берди. "Вальядолид" дарвозаси томон пенальти белгиланди ва уни Окампос аниқ амалга оширди.

Шу тариқа, «Севилья» кетма-кет учинчи ўйинда дуранг қайд этмоқда. Лопетеги шогирдлари энди нафақат "Атлетико"дан орқада қолиб кетишлари мумкин, балки кейинги поғоналарда келаётган "Хетафе", "Вильяеррал" ва "Реал Сосьедад" каби клублар ЕЧЛ йўлланмаси учун имконият тақдим этишлари мумкин.

Испания чемпионати, 32-тур
Севилья – Вальядолид 1:1 (0:1, 1:0)
Голлар: 0:1 – 25 Оливас, 1:1 – 83, пенальти Окампос.
Севилья – Вацлик, Навас, Кунде, Эскудеро, Диего Карлос, Банега, Васкес (Эн-Несири, 66), Фернандо (Жордан, 46), Окампос (Рони Лопеш, 90), де Йонг (Сусо, 46), Мунир.
Вальядолид – Масип, Рауль Гарсия, Оливас, Санчес, Антоньито, Бен-Арфа (Алькарас, 59), Сан-Эметерио, Эрвиас (Плано, 76), Мичел (Унал, 75), Вальдо Рубио (Начо Мартинес, 69), де ла Фуэнте (Кике Перес, 76).
Огоҳлантиришлар: Фернандо (12), Кунде (58), Васкес (60), Эрвиас (71), Санчес (82).