«Барселона» раҳбарлари — жамоа президенти Жозеп Мария Бартомеу, бош директор Оскар Грау, спорт ишлари бўйича вице-президент Эрик Абидаль клуб бош мураббийи Кике Сетьеннинг уйига ташриф буюришди.
Mundo Deportivo тарқатган хабарга кўра, учрашув давомида суҳбат асосан Ла лиганинг ҳал қилувчи ўйинлари ва Чемпионлар лигасининг плей-офф босқичи ҳақида кетган. Раҳбарият мураббийни қўллаб-қувватлашини маълум қилган. Шунингдек, «Барселона» 30 июнь куни «Атлетико»га қарши мавсумнинг энг муҳим баҳсини ўтказиши ҳақида барча якдил фикр билдирган.