Кириш Регистрация
05/08 21:55 Копенгаген - Истанбул ББ
05/08 21:55 Шахтёр - Вольфсбург
05/08 23:59 Ман. Юнайтед - ЛАСК
05/08 23:59 Интер - Хетафе

Хабарлар

Трансфер оламидаги янгиликлар

Баҳо:
+ | -

Ушбу рукнимиздаги энг сўнгги янгиликлар билан таништириб ўтишда давом этамиз.

Салаҳ кетадими?


Англиянинг “Ливерпуль” клуби бош мураббийи Муҳаммад Салаҳ ўз келажаги борасида якуний қарорга келди.

“Мен 30 йиллик орзунинг амалга ошишини ҳис қилмоқдаман. Бу клубда жуда бахтлиман. “Ливерпуль”даги ички муҳитдан роҳат олмоқдаман. Шу сабабли кетишга ҳеч қандай сабаб йўқ деб ҳисоблайман. Йигитлар билан қадрдон бўлиб кетдик. Мен клубда жуда узоқ тўп тепишни режа қилганман.”,- деб футболчидан иқтибос келтирмоқда “beIn sports” нашри.

Эслатиб ўтамиз, Салаҳ “Ливерпул” жамоасига 2017-йилда келиб қўшилган бўлиб, яқин йиллар ичида ЕЧЛ, АПЛ ва клублар ўртасидаги ЖЧда ғолиб чиқишга муваффақ бўлди.

“Челси”га у керак эмас!

 

Лондоннинг “Челси” жамоаси бош мураббийи Френк Лемпард Бакаёко борасида сўнгги қарорни қабул қилди. Унга кўра, мураббий ярим ҳимоячининг ҳизматларига муҳтож эмас ва клуб Темуэ борасидаги исталган таклифни кўриб чиқишга тайёр.

“Le10sport” нашрининг маълум қилишича, “Лион” вазиятдан фойдаланиб қолиш мақсадида Лондон клубига таклиф юборган. Ҳозирча, футболчининг ўзи “ Лион”дан келиб тушган таклифни рад этмоқда. У йилига 5 миллион евро маош олишни истамоқда.

Эслатиб ўтамиз, 25 ёшли ярим ҳимоячи бу мавсумни “Монако” сафида ижара асосида ўтказди мавсум сўнггида яна “Челси” ихтиёрига қайтади.

Аке кетади!

 

Англиянинг “Бормунт” жамоаси ҳимоячиси Натан Аке ёзда бошқа клубга ўтиши тобора ойдинлашиб бормоқда.

“The Sun” нашрининг маълум қилишича, голландиялик футболчи борасида “олчалар”га “Челси” ва “Манчестер Сити” 40 миллион евролик таклиф юборган.

Эслатиб ўтамиз, Натан АПЛнинг 25 та ўйинида майдонга тушди ва ўз ҳисобига 2 та гол ёзиб қўйди.

Депай Лондонда?

 

“Лион” жамоаси етакчиси Мемфис Депай фаолиятини АПЛда давом эттириши мумкин.

Голландиялик футболчининг ҳизматлари билан Лондоннинг “Арсенал” жамоаси жиддий қизиқиб қолган. Инглиз нашрларнинг маълум қилишича, “конинирлар” жамоани ёзда тарк этиши тахмин қилинаётган Обомеянгнинг ўрнини айнан Депай билан тўлдиришни режа қилмоқда.

Эслатиб ўтамиз, Мемфиснинг “Лион” билан тузган шартномаси 2021-йилда ўз якунига етади. Француз клуби ўз футболчисини 50 миллиондан камига қўйиб юбормоқчи эмас.

“Реал” ундан воз кечди

 

Мадриднинг “Реал” жамоаси “Ренн” футболчиси Эдуардо Камавинга билан шартнома тузмайдиган бўлди.

Ваҳоланки, француз клуби ўз тинейжерининг нархини 100 миллиондан 80 миллионга камайтирган эди. Клуб спорт директорининг маълум қилишича, жамоа ёзда Эдуардони ўз сафида олиб қолишга қарор қилган ва унинг трансферини келаси мавсумга қолдиради.

RMC нашрининг маълум қилишича, “Реал” Камавинга трансферини бироз ортга суришга қарор қилган.

Манба: Stadion.uz
Киритилди: 11:34, 02.07.2020.
Ўқилди: 13713 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.