«Ювентус» дарвозабони Жанлуижи Буффон Италия чемпионатининг 30-туридан ўрин олган «Торино»га қарши баҳсда (4:1) бошланғич таркибдан жой олди ва майдонда тўлиқ 90 дақиқа ҳаракат қилди.

42 ёшли италиялик посбон учун мазкур беллашув Италия чемпионатидаги 648-учрашув бўлди. Буффон шу тариқа ушбу кўрсаткич бўйича «Милан» собиқ ҳимоячиси Паоло Мальдинининг рекордини янгилади. Буффондан кейинги ўринда қуйидаги футболчилар жойлашган:

2. Паоло Мальдини (647)
3. Франческо Тотти (619)
4. Хавьер Занетти (615)
5. Жанлука Палюка (592)

Маълумот учун, Буффон 2001 йилдан бери «Ювентус» (орада бир мавсум ПСЖ сафида ҳам ҳаракат қилди) шарафини ҳимоя қилиб келади. Ушбу мавсумда у А Серияда 8 та ўйин ўтказди.

Аввалроқ Буффон «Ювентус» билан шартномасини узайтиргани ҳақида хабар берилганди.