“Қироллик клуби”даги ўзининг илк мавсумини ўтказаётган Родриго ҳам Real Madrid TV нашри учун интервью бериб ўтди. Ўз ватандоши (Роберто Карлос) уюштирган суҳбатда, ёш футболчи ўз таассуротлари билан ўртоқлашди.

“Примеро” ғолиблиги

Тўғриси, Испания чемпионлигини қўлга киритганимдан фахрланаман. Бу мен учун чинакам шараф. Болаликдаги орзуларимдан бири амалга ошди.

Чемпионат якуни ҳақида

Тўғри, жуда қийин учрашувлар ўтказдик. Осон ўйин бўлмади. Шунга қарамай, биз “Реал”миз. Доимо шу темпда футбол намойиш этишга мажбурмиз. Биз чемпионлармиз. Бу дақиқалардан завқ олишга ҳақлимиз деб ҳисоблайман.

Мадриддаги илк мавсуми ҳақида

Очиғи ишлар бу қадар осонлик билан амалга ошади деб ўйламаган эдим. Ўйлаганимдан ҳам яхшироқ ўзимни кўрсата олдим. Менга шу қадар ишонч билдиришларини ва бу қадар кўп ўйинларларда майдонга тушишимни тасаввур ҳам қилмаган эдим. Бу ажойиб мавсумни ҳеч қачон унутмайман.

Оила аъзоларидан келган смс

Ота-онам чемпионликни қўлга киритишимиз билан менга смс юборди. Уларнинг табрикларидан кўнглим осмонга етди. Дадам “Реал”да тўп суриш орзусида футболга кириб келганимни яхши билганлари учун ҳам алоҳида табрикладилар. Онам орзуларимнинг амалга оширганим учун фахрланишларини айтдилар. Дарҳақиқат, бу унутилмас ҳислар эди.

“Ла Лига”нинг илк соврини

Мен Мадрид клуби билан Испания суперкубогида зафар қучдим. Бу ёқимли, бироқ “Примеро” чемпионлиги умуман бошқа нарса.  Бу соврин сизга мавсум давомида тинимсиз қилган меҳнатларингиз учун топширилади. Уни биргина ғалаба билан қўлга киритишнинг иложи йўқ.

Клуб талаблари

“Реал”нинг таклифини қабул қилишдан олдин, бу клубда фақат ғалаба қозониш лозимлигини билганман. Келгач,  бу ерда ғалаба, ғалаба ва яна ғалабадан бошқа натижа қабул қилинмаслигини маълум қилишди. Биз Испания чемпионлигини қўлга киритдик, бироқ яна ғалаба қозонишни истаямапмиз.