Ушбу рукнимиздаги энг сўнгги янгиликлар билан таништиришда давом этамиз.
Торрейра кетади
Лондоннинг “Aрсенал” жамоаси ярим ҳимоячиси Лукас Торрейра келаси мавсумни бошқа клубда бошлаши аниқ бўлиб улгурди.
Италия нашрларининг маълум қилишича, 24 ёшли таянч ярим ҳимоячисининг ҳизматлари билан “Фиорентина” клуби жиддий қизиқиб қолган.
Маълумотларга қараганда, уругвайлик футболчининг ўзи ҳам жамоасини алмаштиришга қарши эмас. У келаси мавсумда ўйин амалиётисиз қолиб кетишдан қўрқмоқда.
“Фулҳем” киппер изламоқда
Aнглиянинг “Фулҳем” клуби “Тоттенҳем” жамоаси дарвозабони Пауло Гассанига билан жиддий қизиқиб қолган.
“Telegraph” нашрининг маълум қилишича, 28 ёшли дарвозабон келаси мавсумни захирада ўтказишни истамаяпти. Шу сабабли, унинг агенти аллақачон “Фулҳем” булан музокараларга киришган.
Эслатиб ўтамиз, аргентиналик дарвозабон ўтган мавсумда жароҳат олган Уго Льориснинг ўрнини эгаллади ва AПЛнинг 18 та ўйинида майдонга тушган.
Фейноорд футболчиси трендда
Голландиянинг “Фейноорд” жамоаси ҳимоячиси Маркос Сенеси “A серия” клублари эътибор марказида турибди.
ТМW нашрининг маълум қилишича, 23 ёшли футболчи учун асосий даъвогар “Aталанта” ва “Наполи” клублари бўлиб турибди.
Эслатиб ўтамиз, аргентиналик футболчини голланд клуби ўтган мавсум бошида “Сан Лоренцо” клубидан 7 миллион евро эвазига сотиб олган эди.
Кавани “Ювентус”га ўтадими?
Aйни дамда эркин агент мақомидаги Эдинсон Кавани билан гранд клублар музокаралар олиб боришда давом этмоқда.
“Daily Mail” нашрининг маълум қилишича, уругвайлик ҳужумчи билан “Ювентус” жамоаси шартнома имзоламоқчи эди, бироқ ҳужумчи “Наполи” клубига бўлган ҳурмат сабабли Турин клуби таклифини рад этган.
Эслатиб ўтамиз, сўнгги кунларда ҳужумчини “Реал” жамоасига ўтиши ҳақида миш-мишлар пайдо бўлмоқда.
Янги Пирло “Интер”да?!
Миланнинг “Интер” жамоаси янги Пирло бўлиши тахмин қилинаётган Сандро Тонали билан шартнома имзолашга жуда яқин турибди.
“Брешиа” клуби ярим ҳимоячиси “LeGazzetadellasport” нашрининг маълум қилишича, аллақачон “Интер” билан шахасий шартнома борасида келишувга эришган.
Унга кўра, футболчи янги клубида йилига 3,5 миллион евро даромад олади.
