Ушбу рукнимиздаги энг сўнгги янгиликлар билан таништиришда давом этамиз.
«Ливерпуль» кимларни трансферга қўяди?
Aнглиянинг «Ливерпуль» жамоаси трансфер ойнаси ёпилгунига қадар 3 ё 4 та футболчисини сотиб юбормоқчи.
“Sky Sport” нашрининг маълум қилишича, жамоа футболчиларнинг маоши ва янги трансферлар учун пул ажратиш ниятида шу ишга қўл урмоқда.
“Sky Sport” эксперти Жимми Каррагернинг айтишича, «Ливерпуль» жамоанинг молиявий аҳволи сабабли Тьяго Aлкантара билан шартнома имзолай олмаяпти.
«Манчестер Юнайтед» вингер изламоқда
Aнглиянинг «Манчестер Юнайтед» жамоаси Жейдон Санчонинг ўрнига Гарет Бэйлни ўз сафига қўшиб олишини мумкин.
“Readfootball” нашри берган маълумотларга қараганда, «қизил иблислар» қанотларни кучайтириш мақсадида уэлслик футболчи билан шартнома имзолаш ниятида.
Манбанинг маълум қилишича, Бэйл мавсум олди машғулотларда иштирок этмаяпти. Зидан ҳам ўз шогиртининг бошқа клубга ўтишига қарши эмас.
«Ювентус» тежамкор режимага ўтадими?
Туриннинг «Ювентус» клуби Дуглас Коста борасида сўнгги қарорга келди.
Италия нашрларининг маълум қилишича, жароҳатларга мойил футболчи билан « Ювентус» ҳамкорликни давом эттирмоқчи эмас. Шу сабабли, ушбу трансфер ойнасида Коста борасидаги исталган таклини «зебралар» кўриб чиқишга тайёр.
Костанинг агенти эса, мижози Туринда бахтли эканлиги ва янги мавсумда ўзини кўрсатишга уриниб кўриши ҳақида маълумот тарқатмоқда.
Мбаппе кетмоқчи!
Парижнинг ПСЖ клуби ҳужумчиси Килиан Мбаппе келаси мавсумда клубни тарк этишини жамоа раҳбарларига маълум қилди.
“The Times” нашри берган маълумотларга қараганда, француз ўтган мавсум сўнггида Испания ёки Aнглияга кўчиб ўтмоқчи эди, аммо COVID-19 сабабли режаларини ўзгартиришга мажбур бўлган.
Манбанинг маълум қилишича, Мбаппе клуб сафида яна бир мавсум тўп тепади ва катта эҳтимол билан «Реал Мадрид» сафига бориб қўшилади.
Эслатиб ўтамиз, Мбаппе учун 2017 йилда ПСЖ 145 миллион евро сарф этган ва айни дамда Килиан дунёнинг энг қиммат футболчиси саналади.
Мустафи кетадими?
Aнглиянинг “Aрсенал” жамоаси ҳимоячиси Шкордан Мустафи келаси мавсумни “A серия”да давом эттиришга яқин турибди.
LGDSнашри берган маълумотларга қараганда, ҳимоячи билан «Наполи» жиддий қизиқиб қолган.
Манбанинг маълум қилишича, Мустафи учун «Наполи» катта сумма таклиф этмайди. Сабаби, ҳимоячининг клуб билан тузган шартномаси келаси мавсумда ўз якунига етади. Боз устига, айни дамда Мустафи жароҳатини даволаш билан банд.
