Осиё Чемпионлар Лигасининг иккита гуруҳида 15 сентябрь, сешанба куни 3-тур ўйинлари бўлиб ўтди.

"C" гуруҳида ҳаракат қилаётган «Шаржа» жамоаси «Ад-Дуҳайл» билан баҳс юритди. Биринчи бўлим якунланиши арафасида Алмоиз Али қатарликларни олдинга олиб чиққан бўлса, иккинчи бўлим дебютида Рамин Ризоян жамоасининг иккинчи голини урди. Бунга БАА клуби 59-дақиқада Игор Коронадонинг голи билан жавоб қайтарди.

Мазкур баҳсда амирликлар сафига тўп тепувчи ўзбекистонлик футболчи Отабек Шукуров тўлиқ ҳаракат қилди.

Гуруҳнинг иккинчи ўйинида «Персеполис» ва «Ат-Товун» жамоалари ўзаро баҳс юритди. Шожа Халилзода томонидан 83-дақиқада урилган гол форсларга ғалаба келтирди.

"D" гуруҳи пешқадамларидан бири «Ас-Садд» БААнинг «Ал-Айн» жамоаси билан баҳс юритди. Учрашувда 3:3 ҳисобидаги жанговар дуранг қайд этилди. Гуруҳининг иккинчи ўйинида «Ан-Насср» Абдураззоқ Ҳамдуллоҳнинг иккита голи эвазига «Сепаҳон»дан устун келди.

ОЧЛ, 3-тур баҳслари
15 сентябрь, сешанба
«Ад-Дуҳайл» Қатар — «Шаржа» БАА 2:1
Голлар: 1:0 – 42 Алмоиз Али, 2:0 – 52 Ризоян, 2:1 – 59, пенальти Коронадо.

«Персеполис» Эрон — «Ат-Товун» Саудия Арабистони 1:0
Гол: 1:0 – 83 Халилзода.

«Ал-Айн» БАА — «Ас-Садд» Қатар 3:3
Голлар: 1:0 – 5 Лаба, 1:1 – 35 Афиф, 2:1 – 39 Исломхон, 2:2 – 55 Касорла, 2:3 – 61 Бунеджа, 3:3 – 67, автогол Хухи.

«Сепаҳон» Эрон — «Ан-Насср» Саудия Арабистони 0:2
Голлар: 0:1 – 29 Ҳамдуллоҳ, 0:2 – 48 Ҳамдуллоҳ.