«Манчестер Сити» «Бенфика» ҳимоячиси Рубен Диашни сотиб олганини эълон қилди.
Инглиз клуби матбуот хизматининг ёзишича, 23 ёшли португал билан 2026 йилгача мўлжалланган шартнома имзоланди. Футболчи янги жамоасида 3-рақамда ҳаракат қилади.
Аввалроқ «шаҳарликлар» химоячи учун 68 млн евро тўлашгани хабар қилинганди. Ўз навбатида «Бенфика» «Сити»дан 15 млн евро эвазига Николас Отамендини сотиб олди.