Испания чемпионатининг 5-тури доирасида «Реал» бугун сафарда «Леванте» меҳмони бўлиб, ишончли ғалабани қўлга киритди.

Мадридликлар баҳснинг 16-дақиқасида Винисиуснинг аниқ зарбаси эвазига ҳисобни очишди. Валенсияликлар танаффусга қадар ҳисобни тенглаштиришлари мумкин эди, аммо тўп тўсинга тегиб қайтди.

Учрашувдаги интрига энг сўнгги сонияларгача сақланиб турди. Иккинчи бўлимга қўшиб берилган 5-дақиқада Бензема қарши ҳужумда "Леванте" дарвозасини ишғол қилиб, ўйинга нуқта қўйди.

Ушбу ғалабадан кейин "Реал" ўз очколарини 10тага етказиб, пешқадамликни ўз қўлига олди.

Испания Ла лигаси, 5-тур
Леванте – Реал Мадрид 0:2 (0:1, 0:1)
Голлар: 0:1 – 16 Винисиус Жуниор, 0:2 – 90 Бензема.
Леванте – Фернандес, Мирамон, Везу, Клерк, Постиго, Мальса (Радоя, 73), Барди, Кампанья, Вукчевич (Де Фрутос, 55), Рохер Марти (Мелеро, 55), Моралес (Дани Гомес, 68).
Реал Мадрид – Куртуа, Начо, Менди, Рамос, Варан, Каземиро, Вальверде (Эдегор, 89), Винисиус Жуниор (Васкес, 69), Модрич (Иско, 89), Асенсио (Родриго, 69), Бензема.
Огоҳлантиришлар: Каземиро (4), Барди (72), Мирамон (90).