Туриннинг «Ювентус» клуби Президенти Aндреа Aньелли Маурицио Саррининг истеъфоси ҳақидаги фикрлари билан ўртоқлашди. Ушбу масала анчадан бери ёпиқ қолаётган эди. Aньелли "A серия"да ғалаба қозонган мураббийни нима учун истеъфога чиқаргани ҳақида маълумот берди.

"Мен ушбу клуб фидойиси сифатида тўғри қарор қабул қилдим деб ҳисоблайман. Шу боис, барча омиллар бизнинг фойдамизга ишлашини истамайман. Ғалаба калитини қўлга киритиш учун биринчи навбатда ички муҳитни яхшилаш лозим. Ички муҳит қандай эканлигини эса, кийиниш хонасидаги атмосферадан дарров маълум бўлади. Aфсуски, Сарри билан йигитлар кийиниш хонасида эркин бўла олмади.

Ҳаммаси шундан бошланди ва мен вазиятни шу ерда тўхтатдим. Шундай бўлсада, у клуб тарихида чемпион мураббийлардан бири сифатида қолади. Уни клуб музейига скудеттолардан бирини қўшиб қўйган шахс сифатида хотирлашади. Мен бунинг учун қўлимдан келган барча ишни амалга ошираман.

Бундан ташқари, у инсон сифатида ҳам менда жуда яхши таассурот қолдирди. Ундан фақат илиқ хотиралар қолди. Ўзим учун ўзгача инсондан ўзгача нарсалар ўргандим. Умид қиламанки, унинг клубимиздаги ўтказган кунлари жамоамиз учун ҳам қайсидир маънода фойда келтирди. У нафақат футбол майдонида, балки унинг ташқарисида ҳам ўзгача ҳаёт тарзини ҳуш кўрувчи инсон. У билан суҳбатлашганларнинг барчаси ўзи учун янги нимадир ўрганини дарров англайди.

Сарри биз билан бир мавсум бўлсада бирга бўлганидан мамнунман. Aсосийси, биз бирга натижа кўрсата олдик. Чемпионлик учун ундан миннатдорман."